Batuta dhe të qeshura mes Ramës dhe Rutte. Kreu i NATO-s: Jeni shumë i gjatë

Nuk kanë munguar batutat mes kryeministrit Edi Rama dhe shefit të NATO-s, Mark Rutte.

Sekretari i Përgjithshëm i NATO-s, iu drejtua kryeministrit duke i thënë “Ju jeni shumë i gjatë. Shqipëria nuk është aleati ynë më i madh, por ju po bëni kaq shumë. Ju e dini që NATO mund të mbështetet te Shqipëria dhe Shqipëria te NATO.”

Më pas, Rama iu përgjigj Rutte, duke i thënë: “Jeni njësh se keni gjithmonë energji në mëngjes”.
“Sigurisht jemi këtu edhe për të folur për mënyrat si mund të qasemi në programin Safe të BE. Sa i takon sigurisë shkon përtej perimetrit të vendeve të BE dhe mund të jetë i dobishëm për vendet e NATO-s në Europë. Faleminderit për mikpritjen dhe besoj se jeni njësh sepse keni gjithmonë energji në mëngjes“, tha Rama.