BB, 150 milionë dollarë financim për energjinë

Dhënia e këtij fondi u miratua më 29 shtator nga Bordi i drejtorëve ekzekutivë të Bankës Botërore me qëllim mbështetjen e reformave në këtë sektor, duke u fokusuar në veçanti në përmirësimin e furnizimit me energji elektrike dhe qëndrueshmërinë financiare të këtij sektori, raporton Ora News.

Miratimi i këtij fondi u shoqërua me një relacion sipas të cilit BB propozon rritjen me nga 15-20 përqind të çmimit të energjisë, të paktën për shpërndarjen, në mënyrë që në 2016 OSHEE të kthehet në kompani me fitim.

Në raport, BB këmbëngul se orientimi i tarifave drejt kostos reale është i nevojshëm.
Aktualisht çmimi mesatar i energjisë elektrike për familjarët është 9.53 lekë për kilovat orë, por Banka vlerëson se kjo tarifë nuk përfaqëson koston reale të sistemit.