Benzema rikthehet te “Gjelat”

Karim Benzema mund të jetë e reja e bujshme e listës së të grumbulluarve të Francës për Evropianin.

“L’Equipe” dhe “Le Parisien” kanë publikuar sot se trajneri i “Gjelave”, Didier Deschamps, është i gatshëm ta kthejë sulmuesin e Realit në përfaqësuese, pas 6 vitesh mungesë.

I dënuar që në vitin 2016 për videoskandalin e Mathieu Valbuena, ku ishin të përfshirë disa miq të Benzema, lojtari i madrilenëve nuk luajti Evropianin e vitit 2016 dhe Botërorin e vitit 2018.

Forma spektakolare e tij në dy sezonet e fundit, ka bërë që Deschamps të ndryshojë mendim dhe ta kthejë në përfaqësuese. Benzema ka luajtur me Francën 81 ndeshje, duke shënuar 27 gola.