Berisha: Asnjë ndërhyrje në protestë, nuk e kemi marrë nën kontroll

Kreu i Partisë Demokratike, Sali Berisha, ka mohuar kategorikisht çdo pretendim se opozita ka tentuar të marrë nën kontroll protestën. I pyetur nëse e kishte “kapur” protestën, Berisha u shpreh se kjo nuk ka ndodhur asnjëherë dhe se qëndrimi i tij ka qenë i pandryshueshëm që nga fillimi. ”Absolutisht kurrë! Kurrë! Dhe ua them unë këtu. Qëndrimi ynë ka qenë që në fillim dhe ju duhet të keni shumë të qarta ato që deklaroj unë, kurrë nuk ndryshoj unë nga ato. Asnjë ndërhyrje në punët e saj. Nuk është protesta jonë, dhe e drejta dhe morali duhet të ishin të pamëshirshme ndaj atyre që përpiqen t’ia kapin apo manipulojnë atë protestë të rinjve shqiptarë”, u përgjigj Berisha.