Sali Berisha, ka ngritur alarmin për rritjen e çmimeve të ushqimeve dhe vështirësitë ekonomike me të cilat, sipas tij, po përballen familjet shqiptare.
Përmes një reagimi publik, Berisha deklaron se çmimet e ushqimeve në Shqipëri janë rritur këtë vit 5.2 herë më shumë se mesatarja e Bashkimit Evropian, ndërsa pretendon se 30% e shqiptarëve kërcënohen nga uria.
Ai akuzon qeverinë se nuk po reagon përballë situatës, duke e përmbledhur qëndrimin e tij me deklaratën se “qeveria ka zero reagim”.
”Çmimet e ushqimeve në Shqipëri u rritën këtë vit 5.2 herë më shumë se mesatarja e BE-së, ndërsa 30% e shqiptarëve kërcënohen nga uria! Qeveria ka zero reagim. PD kërkon heqjen e menjëhershme të TVSH-së për ushqimet, arsim falas dhe vendosjen e minimumit jetik”,-shkruan kreu i PD-së.