Berisha debat me Salianjin për Hysen Kadinë. Ish-deputeti: Demokratin më të votuar s’e futët në lista

Ervin Salianji debatoi edhe me Sali Berisën në mbledhjen e Kryesisë së PD-së. Ai kritikoi kreun e demokratëve duke i thënë pse nuk përfshiu në listat e 11 Majit më të votuarit e Primareve, mes tyre edhe Hysen Kadinë, i cili rezultoi demokrati më i votuar në qarkun e Tiranës.

Berisha i ka thënë Salianjit se Kadia i ka shërbyer Edi Ramës dhe se gjatë zgjedhjeve nuk ka bërë fushatë pasi ka qenë në Amerikë. Kurse Salianji i ka thënë se kjo nuk është e vërtetë, pasi ka edhe foto të tij që ka bërë fushatë në fshatrat e Kavajës.

Berisha: Ata që po shkojnë tek takimet jashtë axhendës së partisë janë ata që në fushatë nuk punuan një ditë për PD-në por për Edi Ramën. Hysen Kadia ishte në Amerikë. Nuk bëri një ditë fushatë. Kam mesazhet.

Salianji: Kam unë fotografi fshatrave të Kavajës duke bërë fushatë (demokrati më i votuar i primareve në qarkun Tiranë). Kjo nuk është e vërtetë.

Dhe debati me pas ka filluar mes Flamur Nokës dhe Ervin Salianjit, bile me tone të egra ndaj njeri tjetrit.