Berisha pret eurodeputetin Gahler: Denoncimi i aferave, shqetësimet për integrimin dhe zgjedhjet në Shqipëri

Kreu i PD-së, Sali Berisha priti këtë të mërkurë në një takim eurodeputetin Michael Gahler, koordinator i Grupit Parlamentar të Partisë Popullore në Parlamentin Europian. Gjatë takimit, Berisha bëri edhe një panoramë të thelluar të skandalit të AKSHI-t dhe përfshirjen, sipas tij, të Kryeministrit vetë dhe me familjarë të tij në këtë aferë të rëndë, e cila per Shqipërinë tejkalon “aferën Epstein”, jo vetëm si akt korruptiv, por edhe sepse prek një pjesë themelore të superstrukturës shtetërore, përfshirë këtu sigurinë kibernetike.

Postimi i plotë

Sot prita në një takim në selinë e PD, eurodeputetin Michael Gahler koordinator i Grupit Parlamentar të Partisë Popullore në Parlamentin Europiane. Gjatë takimit që u përshkua nga fryme e hapur dhe mirkuptimi i shpreha përfaqësuesit të lartë europian shqetësimet e opozitës për “afera Balluku” dhe Aksh-it, përpjekjet e Edi Ramës për të ndërhyrë në legjislacion me qëllim krijimin e një mburoje për korrupsionin e tij direkt dhe ministrave të tij.

Theksova se amendamentet ligjore që synon Rama dëmtojnë, jo vetëm luftën e drejtësisë kundër korrupsionit, por edhe procesin e integrimit europian. Opozita e mbështet pa kushte procesin e intengrimit në BE, por kërkon që ky proces të jetë gjithëpërfshirës i bazuar në meritë dhe të mos përdoret për qëllime propagandistike nga qeveria.
Po ashtu bëra edhe një panoramë të skandalit të AKSHI-t dhe përfshirjen direkt të Kryeministrit me familjarë të tij në këtë aferë të rëndë, e cila për Shqipërinë tejkalon aferën Epstein jo vetëm si akt korruptiv, por edhe sepse prek një pjesë themelore të superstrukturës shtetërore, përfshirë këtu sigurinë kibernetike.

Bashkë me Gahler u ndalëm edhe te zgjedhjet e fundit në Shqipëri, dhe ku u shpreha i kënaqur me faktin se një mison vëzhgues u dërgua nga Parlamenti Europian, dhe eurodeputeti ishte pjesë e tij dhe mundi të shihte vetë ato shkelje të rënda që thekson raporti i OSBE, por edhe 7 rezoluta ndërkomëbtare, që i kanë dënuar hapur zgjedhjet e manipuluara shqiptare. Lidhjet e Edi Ramës me Kartelet e drogës ishin gjithashtu çeshtje ë diskutuan gjerësisht.