Berisha: Protesta e ka falimentuar politikisht Ramën, të angazhohemi për suksesin e saj

Kryetari i PD-së, Sali Berisha, ka bërë thirrje për mobilizim të demokratëve dhe qytetarëve në mbështetje të protestës qytetare që vijon prej 56 ditësh, duke deklaruar se ajo ka dobësuar ndjeshëm pozitën politike të kryeministrit.

Sipas Berishës, protesta “e ka falimentuar Ramën” dhe kryeministri “nuk ka më shpresë”, duke e cilësuar këtë si një moment të rëndësishëm për opozitën. Ai u bëri thirrje mbështetësve të Partisë Demokratike dhe të gjithë qytetarëve që të angazhohen maksimalisht për suksesin e protestës.

“Protesta e ka falimentuar Ramën! Ai nuk ka më shpresë, ndaj ju bëj thirrje demokratëve dhe qytetarëve, të bëjmë gjithçka për suksesin e saj”, u shpreh Berisha.