Berisha: Rama shpall ”non-grata” qytetarë të Prizrenit dhe deputetë shqiptarë, por jo ministren serbe

Kreu i PD-së, Sali Berisha akuzon kryeministrin Edi Rama për standarde të dyfishta në qëndrimin ndaj zhvillimeve që lidhen me Kosovën dhe Serbinë.

Në një deklaratë për mediat, Berisha u shpreh se sipas tij qeveria shqiptare ka shpallur ”non-grata” qytetarë të Prizrenit dhe deputetë shqiptarë të Maqedonisë së Veriut, ndërsa nuk ka ndërmarrë të njëjtën masë ndaj ministres serbe, pas deklaratave të saj për Kosovën. Ai kërkoi që ministrja serbe të shpallet “non grata”, duke e cilësuar heshtjen e qeverisë shqiptare si të papranueshme.

“Rama shpall ‘non grata’ qytetarë të Prizrenit dhe deputetët shqiptarë të Maqedonisë, nuk guxon të shpallë ‘non grata’ ministren serbe”, deklaroi Berisha, duke e përdorur këtë si kritikë ndaj politikës së jashtme të qeverisë.