Betimi i Ministrave të rinj, sot në detyrë (FOTO)

Ministrat e rinj sot janë në detyrë, pasi një ditë më parë Kuvendi i miratoi me shumicë votash. Pas votimit ata menjëherë janë paraqitur në Presidencë, për të bërë betimin.

Zv/Kryeministrja Linda Mandija dhe ministrat e rinj të kabinetit qeveritar, Dritan Demiraj, Helga Vukaj, Mirela Karabina, Gazmend Bardhi, Xhulieta Kërtusha dhe Arben Beqiri betohen para Presidentit Bujar Nishani.

Betimi i tyre u bë pak pasi ata u miratuan në Kuvend në bazë të marrëveshjes Rama-Basha. Ndryshimet ndodhën në një kohë rekord, ndërkohë që Kuvendi pritet të mblidhet sërish sonte për të miratuar ndryshimet në Kodin Zgjedhor.

Aktualisht ndryshimet janë duke i shqyrtuar në Komisionin e Reformës Zgjedhore, ku ka patur disa mosdakordësi për çështje të vogla dhe jothelbësore.