Bizneset dynden në QKR, mbi 200 regjistrime në ditë

Bizneset e paligjshme janë trembur pas paralajmërimeve të qeverisë se duke filluar nga shtatori, do të çohen në ndjekje penale.

Ditët e fundit, në Qendrën Kombëtare të Regjistrimit ka pasur dyndje të bizneseve që regjistrohen për herë të parë dhe që formalizohen. Cdo ditë bëhen rreth 200 regjistrime fillestare, aq sa është totali i veprimeve që kryen QKR në një ditë të zakonshme pune për të gjitha llojet e shërbimeve që ofron.

Paralajmërimet e qeverisë se të gjitha bizneset e paligjshme do të çohen për ndjekje penale dhe serioziteti i shfaqur për të luftuar informalitetin duke filluar me aksionin e shtatorit ka trembur subjektet që punojnë duke shmangur rregullat. Ditët e fundit në Qendrën Kombëtare të Regjistrimit ka pasur dyndje të bizneseve që regjistrojnë për herë të parë aktivitetin e tyre dhe formalizohen.

Çdo ditë bëhen rreth 200 regjistrime fillestare, aq sa është totali i veprimeve që kryen QKR në një ditë të zakonshme pune për të gjitha llojet e shërbimeve që ofron.