Biznesi turk: Duam t’i vijojmë investimet në Shqipëri

Një delegacion turk i kryesuar nga Presidenti i Këshillit të Biznesit, Mehmet Uslu, po zhvillon një vizitë zyrtare në vendin tonë me qëllim identifikimin e rrugëve për investime në sektorë strategjike.

Delegacioni turk zhvilloi takime me ministren e Ekonomisë, Turizmit dhe Sipërmarrjes, Milva Ekonomi, si dhe kreun e Agejncisë së Zhvillimit të Investimeve, Genti Beqiri. Po ashtu, pjesë e tryezës së takimit ishin edhe përfaqëues te biznesit shqiptar.

Sipas burimeve zyrtare të MZHETS-t, gjatë këtij takimi delegacioni turk i përfaqësuar nga 8 biznese në sektorë të ndryshëm, diskutoi mundësitë për zhvillimin e investimeve të huaja direkte në Shqipëri dhe njëkohësisht të promovojë marrëdhëniet ekonomike dhe tregtare midis dy vendeve.

Turqia renditet në muajin dhjetor të vitit 2015 partneri i dytë tregtar i vendit tonë duke zënë 7.4 % të totalit të vëllimit tregtar. Eksportet në vitin 2015 drejt Turqisë arritën në 6,943 milionë lekë, ndërsa importet 43,707 milionë lekë.