Bllokohen fruta-perimet në kufi, Panariti: Maqedonia, “luftë tregtare”
Lajme E Premte, 16 Prill 2021 05:07
"Kjo është një “luftë tregtare” e vërtetë, që nuk duhet të ndodhë më".
Kështu e cilësoi sot ministri i Bujqësisë, Edmond Panariti, faktin se prodhimet bujqësore shqiptare po bllokohen nga pala maqedonase në pikën kufitare të Bllacës, me argumentin e certifikatave jo të rregullta fitosanitare. Duke i cilësuar kësisoj të vështira marrëdhëniet sa u takon shkëmbimeve tregtare Shqipëri-Maqedoni.
Sipas Panaritit, kjo është një situatë e përsëritur nga autoritetet doganore të shtetit fqinj, si pasojë e së cilës janë penalizuar prodhuesit shqiptarë dhe asnjëherë nuk janë marrë masat e duhura.
