Braçe përplaset me Agron Shehajn: Boll po të them, qepe…

Është zhvilluar me debate mbledhja e Komisionit të Ekonomisë mes deputetit Erion Braçes dhe deputetit Agron Shehaj.

Agron Shehaj kërkoi fjalën e tij dhe kryetarja Milva Ekonomi ia ktheu duke thënë se prioritet kanë anëtarët e përhershëm më pas ata zëvendësuesit.

Pjesë nga debati: 

Shehaj: Jam anëtar i këtij Komisioni.

Ekonomi: Jeni anëtar zëvendësues.

Shehaj: E ç’do të thotë kjo?

Ekonomi: E ka fjalën Braçe që është anëtar i përhershëm, më pas ju që jeni anëtar zëvendësues.

Pas fjalës së tij, Shehaj u përplas sërish me kryetaren Ekonomi, ku ndërhyri edhe deputeti socialist, Erion Braçe, duke ngritur tonet.

Ekonomi: Edhe vetë po e përjashton veten nga ky Komision, po na drejtohesh me ju. Prandaj them që nuk jeni anëtar si gjithë të tjerët, jeni zëvendësues. Nuk keni marrë pjesë në seancat paraprake. Fjalën e keni pasi të sqarohemi ne që po punojmë për këtë gjë.

Shehaj: Më ndërpretë fjalën. Ju mendoni se jemi në shkollë ose kopsht dhe thoni: “Kush ka ardhur më shumë do flasë më shumë”. Mos e bëni këtë komision më qesharak se ç’është.

Braçe: Nuk vjen dot këtu dhe të na ofendosh ne. E ke bërë një herë, dy herë…

Shehaj: Qetësohu ti. Po flas me kryetaren.

Braçe: Boll po të them! Qepe po të them!

Shehaj: Qetësohu.

Braçe: Ka mundësi t’ia fikni atë mikrofon?