Brenda tre ditëve fiton dy herë lotarinë

Gruaja që ka dashur të mbetet anonime nga Brisbane e Australisë, ka fituar afro dy mijë euro në lotari në fillim të javës. Por pas tre ditësh, ajo ia ka dalë të fitojë në një lojë tjetër, që arrin vlerën e 2.5 milionë eurove. “Më dukej sikur fati ishte larguar nga unë dhe se tani po më kthehet. Është sikur kremi mbi tortë” ka thënë ajo lidhur me rastin. Mësohet se edhe gjatë javëve të fundit, ka fituar në disa lotari por shuma të vogla parash. Kur është pyetur se si do t’i shpenzonte të hollat, ajo ka thënë se dëshiron të bëjë jetë normale, vetëm se do të shkojë të luajë ndonjëherë golf.