Burg deri në 10 vjet, biznesi çon ligjin në Kushtetuese

Ndryshimet e reja në Kodin Penal, të cilat përfshijnë gjithsej 14 nene të reja me dënime deri në 10 vite burg ndaj biznesit për shkelje të legjislacionit tatimor, tashmë gjenden në Gjykatën Kushtetuese për interpretim. Dhe kjo, falë depozitimit të një ankimimi të posaçëm nga përfaqësuesit e sipërmarrjes së lirë, pas atij të kryer pak kohë më parë lidhur me ndryshimet e Procedurave Tatimore, ose të ashtuquajturat “supergjoba”.

***

Ja ç’parashikojnë ndryshimet në Kodin Penal:

Tregtimi i mallrave të ndaluara, burg deri në 10 vite

Kontrabanda e akcizës 7-10 vite burg

Deklarimi i rreme 7-10 vjet burg

Kontrabanda doganë 7-10 vite burg

Kontrabanda e veprave të artit deri në 10 vite burg

Mashtrimi me origjinën deri 7-10 vjet burg

Tregtimi i mallrave kontrabandë 3 vjet -10 burg

Ruajtja e mallrave kontrabandë, 3-10 vjet burg

Falsifikimi i vulave doganore, 3-5 vjet burg

Dalja nga zona doganore pa leje, burg 5-7 vjet

Kontrabanda nga pilotët dhe kapitenët, 5-10 vjet burg

Mosregjistrim në tatime, deri 3 vjet burg

Nuk vjelin taksat, tatimorët 7 vite burg

Ilaçe të falsifikuara, 6 muaj-5 vjet burg

Abuzimi me karburantet, 5 vjet burg.