Cani para deputetëve: Ekonomia ka shënuar rritje

Ministri i Financave, Shkëlqim Cani foli sot para komisionit të Ekonomisë, ku u diskutua për buxhetin faktik të vitit 2014, ku theksoi se ekonomia shqiptare ka shënuar rritje.

Sipas ministrit Cani, qeveria ka shlyer 50% të detyrimeve të prapambetura prej vitesh.

"Përfitimet sociale shkuan tek ata që e meritojnë, ndërsa shëndetësia ofron shërbime publike më cilësore”, – tha Cani.

“Ekonomia shqiptare ka shënuar rritje. Të ardhurat në buxhetin e shtetit ishin 366.7 miliardë lekë. Të ardhurat tatimore ishin 24.1% të PBB”, – deklaroi gjithashtu ai.