Chris Brown, një album me emrin e vajzës

Nuk ka më dyshime që Chris Brown është plotësisht i dashuruar më vajzën e tij Royalty, dhe 26 vjeçari për ndjekësit e tij në Instagram e ka shpërndarë edhe një set fotografish me të. 
Në fotografitë e reja, vogëlushja 18 muajshe shihet e veshur me një pallto 313 dollarëshe. Chris së fundmi, ka folur rreth të bijës së tij në “Hot 97 – Ebro in the Morning”, duke thënë se ajo është pjesë më e rëndësishme e jetës së tij. “Vajza ime është e mrekullueshme, është madhështore. Nuk mund të jem perfekt, por ajo po më ndihmon që t’u japë formë vendimeve të mia dhe vetëdijes sime aktuale”. Këngëtari i hitit “Loyal” po ashtu e ka emëruar albumin e tij të shtatë me emrin e saj, e po ashtu ajo duket edhe në kopertinë përkrahë tij.