Çiljeta publikon pjesë nga klipi i ri

Këngëtarja Çiljeta Xhilaga erdhi këtë verë më një projektin muzikor “Gangsta Love” në bashkëpunim me reperin Noizy. Por pak ditë më parë, ajo ka bërë me dije se projektet muzikore do të vazhdojnë. Një ndër to është edhe kënga e diskutuar në media “Big Booty”. Vetë këngëtarja gjatë këtyre ditëve nuk ka hezituar të postojë copëza detajesh nga klipi, qofshin këto video apo foto të ndryshme. Referuar materialeve dhe asaj çfarë është komentuar, pritet që ky klip të jetë tepër i nxehtë. Nga ajo që kemi mësuar, Çiljeta në klip do të shfaqet bjondje, me veshje me ngjyra dhe të hapura. Përsa i përket kohës se kur kjo këngë do të dalë në treg, akoma nuk është treguar ndonjë datë konkrete, por pritet që klipi të dalë shumë shpejt.