David Beckham krenohet me Victorian

Ndonëse u përfol shumë që martesa e çiftit të famshëm është në krizë, David Beckham nuk heziton që ndjenjat e tij për gruan t’i bëjë publike. Ndoshta për t’ua sqaruar gojëve të liga se ata nuk po ndahen, Beckham në profilin e tij në instagram është shprehur krenar për bashkëshorten e tij për punën që po bën me Kombet e Bashkuara në luftën kundër virusit HIV. Mirëpo kjo nuk është hera e parë që ai thotë se puna e gruas së tij e bën krenar.
Një ndjenjë të tillë e kishte shprehur publikisht edhe kur ajo si dizajnere e modës, kishte shfaqur punën që kishte bërë me koleksionin e saj të veshjeve në javën e modës në New York. Çifti kanë vite të martuar dhe se bashku kanë katër fëmijë, tre djem dhe një vajzë.