Debate në Kuvend: PD kërkon rritjen e numrit të seancave, PS propozon…

Deputeti i PD Luçiano Boçi, ka kërkuar shtimin e numrit të seancave në Kuvend. Kjo kërkesë vjen pas një rendi dite të ngarkuar me 19 projektligje.

Ndërkohë, është përgjigjur kreu i grupit të PS, Taulant Balla, i cili tha se 4 projektligje do të hiqen nga rendi i ditës.

Pjesë nga debati

Luçiano Boçi: Po tentohet që kjo hapësirë të bëhet një hapësirë pa arsye, për të mos thënë e çmendur. Sot shoh që kjo hapësirë po bëhet tërësisht e çmendur. Keni listuar një seri projektligjesh të rëndësishme që i keni përmbledhur në një seancë të vetme dhe kjo është tërësisht pa arsye.
Ajo hapësira e çmendur ka një arsye objektive. Të bëhesh i çmenduar me dashje është qesharake. Po e bëni të çmendur dhe qesharak Kuvendin. Të fusësh 19 projektligje në një seancë është që t’u hedhur hi syve shqiptarëve. Shtoni seancat e kemi propozuar më parë. Kjo është të kthesh në kioskë Kuevndin, hajde kalojmë edhe një projektligj. Nëse vijojmë kështu, kjo nuk ka kuptim. Shtoni seancat, reflektoni.

Balla: Do të kërkoja shtyrjen të shqyrtimit të 4 projektligjeve në rendin e ditës. Janë projektligje që duhen rakorduar fjalë për fjalë me Komisionin Europian. Projektligji për disa shtesa për kontrollin e lëndëve për fabrikimin e lëndëve narkotike. Të shtyhen për javën pasardhëse siç e kemi parashikuar në kalendar. Kështu e lehtësojmë disi edhe kalendarin e ditës sotme dhe besoj se kolegët e opozitës janë dakord.