Deputeti shqiptar: Sa e bleva makinën e krye-mafiozit në filmin e Al Paçinos!

Makina në filmin e famshëm “The Godfather” tani është në Shqipëri.

Ajo është pronë e deputetit shqiptar, Eduart Ndocaj.

Deputeti u shpreh mbrëmë në emisionin “Zonë e Lirë”, se makina tip Mercedez me të cilën aktori i madh Al Pacino  takon Papën në film, e ka blerë në Itali disa vite me parë.

Tashmë kjo makinë është pjesë e koleksionit të  tij privat.

Deputeti “Kaubojs” tha se e ka blerë këtë makinë për 80 mijë euro. Ai ishte informuar fillimisht se makina shitej për 120 mije euro. Por negociatave ka arritur ta bëjë të tijën makinën e famshme të krye-mafiozit për 80 mijë euro.

Makina e tij e famshme, sigurisht është blerë përpara se Eduart Ndocaj të bëhej deputet.