Dëshira e fundit i 5-vjeçarit ishte që të takonte Santa Clausin

Dëshira e një 5-vjeçari përpara se të vdiste ishte që të takonte Santa Clausin. Për t’i plotësuar dëshirën, prindërit i kërkuan një të moshuari që të vishej si Santa Clausin. Eric Schmitt-Matzen, një 60-vjeçar profesionist i trajnuar gjithë jetën për të performuar si Santa Claus, shkoi të takonte vogëlushin, përpara se ai të largohej në botën e fundit.  “Sapo u ktheva nga puna kur ra telefoni. Ishte një infermiere që unë e njoh në spitalin e Tenesi dhe më tha se një djalë i sëmurë rëndë donte të takonte babagjyshin”, tregon Eric Schmitt Matzen.

Sapo mbërriti, Eric i kërkoi prindërve të djalit ta linin vetëm me të. “Kur u futa në dhomë ai ishte shtrirë. Dukej aq i zbehtë dhe sikur ishte gati të flinte gjumë”, tregon babagjyshi.  Vogëlushi ndërroi jetë në krahët e Santa Clausit, ndërsa familja e ndoqi mes lotësh skenën nga dritarja prej xhami. I përlotur Eric tha se ky është një rol që nuk do të donte ta luante më kurrë.