Dita e fundit e transferimeve më të bujshme në Europë

Merkato në orët e fundit, në disa nga ligat kryesore ka njohur disa kalime të bujshme:

Zyrtare: Telles huazohet në Inter

Skuadra e Interit ka bërë goditjen e fundit në afatin kalimtar të verës, duke nënshkruar me mbrojtësin e majtë brazilian Alex Telles. 22-vjeçari është huazuar nga Galatasaray për një vit me opsion të blerjes.

Soriano jo te Milani, por as te Napoli!

Napoli ka dështuar ta sigurojë kontratën e Roberto Sorianon para përfundimit të afatit kalimtar, prandaj ai do të qëndrojë te Sampdoria.

Marrëveshja ishte arritur për 13.5 milionë euro plus Juan Camilo Zunigan, por jo në kohë.

Zyrtare: Ibarbo huazohet në Watford

Roma është liruar edhe nga një sulmues i saj. Kolumbiani Victor Ibarbo është huazuar zyrtarisht në Ligën Premier të Anglisë tek skuadra e rikthyer Watford.

Lajm i madh për tifozët e Milanit, largohen Bonera dhe Zaccardo

Pas largimit të Christian Zaccardos në drejtim të Carpit, tifozët e Milanit iu kanë gëzuar edhe largimit të Daniele Boneras i cili është transferuar te Villareal në La Liga.

Zyrtare: Ljajiç huazohet te Interi

Pas Melos, Interi ka zyrtarizuar edhe huazimin me të drejtë blerje të Adem Ljajiç nga Roma.

Zyrtare: Melo te Interi

Felipe Melo i është bashkuar Interit. Mesfushori brazilian ka nënshkruar për Nerazzurrët duke u larguar nga Galarasaray.

Campagnaro braktis Interin

Hugo Campagnaro është larguar nga Interi si lojtar i ri. Në edicionin e ardhshëm, ai do të luajë te Pescara.

Zyrtare: Isla te Marseille

Mauricio Isla ka nënshkruar me Marseillen. Ai është huazuar nga Juventusi për një vit.

Venger në Paris, Cavani në shënjestër

Menaxheri i Arsenalit, Arsene Wenger, raportohet të ketë udhëtuar në Paris. Topçinjtë janë lidhur me Edinson Cavanin dhe spekulohet se strategu francez do të përpiqet ta rrëmbejë atë në Emirates Stadium.

Navas për testet mjekësore te Unitedi

Keylor Navas është duke iu nënshtruar testeve mjekësore te Manchester Unitedi, njofton Gianluca Di Marzio. Kjo do të thotë se kalimi i David de Geas te Real Madridi është shumë pranë që të ndodhë.

Hernanes arrin në Torino

Hernanes ka arritur në Torino për të kryer testet mjekësore, para se të nënshkruajë edhe formalisht kontratën.

City dërgon në huazim Denayerin

Mbrojtësi i Manchester Cityt, Jason Denayer, është huazuar te Galatasaray.

Afati kalimtar në shumicën e vendeve evropiane mbyllet në ora 23:59, prandaj Real Madridit i ka mbetur edhe më pak se dy orë për ta kompletuar transferimin e David de Geas.

Zyrtare: Blaszczykowski shkon te Fiorentina

Borussia Dortmundi ka zyrtarizuar huazimin e Jakub Blaszczykowskit te Fiorentina deri në fund të sezonit.

Juan Jesus refuzon kalimin te Roma

Juan Jesus nuk ka pranuar të transferohet te Roma, si pjesë e marrëveshjes për kalimin e Adem Ljajic te Interi.

Zyrtare: Lamela dhe De Ceglie te Marseille

Erik Lamela është bërë me skuadër të re. Ai ka nënshkruar me skuadrën franceze Marseille. Francezëve do tu bashkohet edhe mbrojtësi italian, Paolo de Ceglie.

Borriello nënshkruan për Carpin

Ish-sulmuesi i Romës, Juventusit e Milanit , Marco Borriello, është transferuar te Carpi.

Zyrtare: Matri huazohet te Lazio

Alessandro Matri ka kompletuar huazimin e tij te Lazio nga Milani.

Zyrtare: Andreolli te Sevilla

Marco Andreolli ka lënë Interin për të nënshkruar me Sevillan. Lajmin e ka bërë zyrtar faqja e klubit andaluzian.

Navas i kushton Unitedit 10-15 milionë euro

Mediat britanike raportojnë se Keylor Navas do t’i kushtojë Manchester Unitedit rreth 10-15 milionë euro. Transferimi pritet të ndodhë si pjesë e marrëveshjes së kalimit të David de Geas te Real Madridi.

Në këtë rast, Louis Van Gaal do të kishte në dispozicion dy portierë të mirë, Navas dhe Romero.

Chelsea huazon përsëri Piazon

Mesfushori i Chelseat, Lucas Piazo, është huazuar përsëri. Pas kthimit nga huazimi te skuadra e Eintracht Frankfurt, ai do të luajë te Reading.

E kryer: Martial nënshkruan për Unitedin

Anthony Martial është lojtar i Manchester Unitedit, pritet njoftimi zyrtar nga klubi anglez.

Quintero kalon te Rennes

Talenti kolumbian Quintero ka kaluar nga Porto te skuadra franceze Rennes. Ai më parë ka luajtur me skuadrën e Pescaras.

Konfirmohet: Ljajiç te Interi

Drejtori sportiv i Interit, Piero Ausilio, ka konfirmuar marrëveshjen për sulmuesin e Romës, Adem Ljajic .

Ai u pyet se a ka kaluar Ljajic te skuadra që ai drejton. “Mund të them se, po”, tha ai për Tuttomercatoweb.

Marrëveshja besohet së është në vlerën për dy milionë euro me mundësi për ta blerë për nëntë milionë euro. Sulmuesi ka qenë i lidhur me një kalim te West Ham United.

Dështon kalimi i Astorit te Napoli

Davide Astori duket se nuk do të shkojë te Napoli. Arsye kryesore janë të drejtat e imazhit që dëshiron t’i pronësojë klubi nga San Paolo.

Klopp drejt Zenitit

Aventura e Andre Villas-Boas si trajner i Zenitit raportohet se është afër fundit dhe klubi rus tashmë ka nisur kërkimin për trajnerin e ri. Sipas Calciomercato, ka kontaktuar me klubin e Zenitit dhe tani rusët janë në pritje të vendimit të gjermanit.

Cheryshev largohet nga Reali, skuadra të njohura pas tij

Talenti rus, Cheryshev mund të largohet nga Real Madridi në orët e fundit të afatit kalimtar të verës. Klubi mbretëror kërkon 20 milionë euro për të, ndërsa Liverpool, Valencia dhe Villareal janë të interesuara për të.

Hernanes, kontratë trevjeçare te Juve

Hernanes ka nënshkruar kontratë trevjeçare me Juventusin dhe do të përfitojë 2.7 milionë euro për sezon.

Liverpooli huazon Awoniyi

Liverpooli e ka dërguar në huazim sulmuesin e kombëtares nigeriane U-23, Taiwo Awoniyi, drejt skuadrës gjermane FSV Frankfurt.

Soriano driblon Milanin, kalon te Napoli

Napoli është afër goditjes në minutat e fundit. Sipas ‘Calciomercato.it’ skuadra e kaltër është afër Roberto Sorianos. Për arritjen te Soriano mund të përdoret Zuniga për shkëmbim.

Zyrtare: Giaccherini te Bologna

Emanuele Giaccherini është zyrtarisht një lojtar i ri i Bolognas.

Kthimi i mesfushorit në Itali është lajmëruar nga klubi përmes profilit të klubit ne ‘Twitter’.

Song kthehet te West Ham

Skuadra e West Ham ka konfirmuar marrëveshjen për huazimin e Alex Song për sezonin 2015-16.

Milani dhe Lazio shkëmbejnë lojtarët

Dy skuadrat italiane, Milan dhe Lazio janë duke biseduar për një shkëmbim të madh mes Ricardo Montolivos që mund të transferohet në kryeqytet te Lazio dhe boshnjaku Senad Lulic që pritet t’i bashkohet Milanit.

Ljajiç shkon te Inter

 Adem Ljajiç ka ndërruar ambient, por jo edhe kampionatin.

Sulmuesi i Romës ka arirtur marrëveshje me ekipin e Interit, ndërsa zyrtarizimi pritet të bëhet shumë shpejt .

Matri kalon te Lazio

Alessandro Matri ka arritur marrëveshje me Lazion. Marrëveshja është arritur ndërmjet Adriano Gallianit dhe Claudio Lotitos për huazim me të drejt blerje.

Grosskreutz në Stamboll, kalon te Galatasaray

Kevin Grosskreutz arrin në Stamboll.

Mbrojtësi i Borussia Dortmund do të nënshkruaj një kontratë dy vjeçare me skuadrën e Galatasarayt.

Chicharito në Leverkusen

Chicharito ka kompletuar transferimin e tij te skuadra gjermane Bayer Leverkusen.