Dita e parë e 2026-ës në Korçë, qyteti mbushet me turistë dhe festime

Në ditën e parë të vitit 2026, Korça është mbushur me gjallëri nga turistë, qytetarë vendas dhe vizitorë të huaj që kanë zgjedhur këtë qytet për të kaluar natën e ndërrimit të viteve. Korça vazhdon të mbetet destinacioni i preferuar i qindra qytetarëve për festat e fundvitit.

Kryeministri Edi Rama ndau në rrjetet sociale pamje nga Korça, ku duket plot me turistë të huaj dhe qytetarë të shumtë. Dekori shumëngjyrësh i shtrirë në lagjet kryesore, shtëpizat e drurit dhe pista e patinazhit për fëmijët dhe të rinjtë janë vetëm disa prej atraksioneve që qyteti ofron për këtë periudhë festive.

Qytetarët kanë zgjedhur të vizitojnë Pazarin e Vjetër, Pedonalen e qytetit dhe zonën përreth Katedrales, për të shijuar bukuritë dhe atmosferën magjepsëse të Korçës gjatë festave të fundvitit..