E rrallë në Shqipëri/Veshi i rrushit “marshalla”

Në hardhinë e një fermeri në Dumre veshi i rrushit është rritur sa një fëmijë 2-vjeç. Fermeri e ka këputur këtë vesh rrushi dhe me të ka bërë foto një fëmijë i vogël, i cili mezi e mban në krah.

Fermeri ka treguar se e ka punuar, plehëruar dhe vaditur rregullisht hardhinë. “E pikasa këtë cep që kur ishte i vogël. Ai ishte ndryshe nga të tjerët. Ishte më i madh. Dhe kështu vazhdoi të rritet. Unë i bëra gjithë shërbimet dhe spërkatjet me kimikatet që ta mbroj nga sëmundjet. Dhe sot e këputa dhe ia dhashë nipit ta mbaj”.

Sipas agronomëve, një dukuri e tillë haset rrallë megjithëse është e njohur. Ata shpjegojnë se bëhet fjalë për një bashkim të cepave të rrushit në një bistak të vetëm.