Elhaida Dani ndahet nga i dashuri italian

23-vjeçarja e cila përjetoi suksesin më të madh në karrierën e saj kur fitoi vendin e parë në The Voice of Italy 2013, duket se ka vendosur të braktisë gjithçka që Italia i dhuroi, përfshirë edhe dashurinë me 34-vjeçarin Francesco Longo. Pas gati një viti, këngëtarja shqiptare i ka dhënë fund fejesës me atë që në fund të 2014-ës kur fitoi festivalin e RTSH, e prezantoi për shqiptarët si menaxherin e saj, raporton “Panorama”.
Ndoshta nga diferenca e moshës ose dëshira për të mos u folur për jetën e saj private, Elhaida Dani, nuk u shfaq në profilet e saj të mediave sociale, kurrë në krah të Francesco-s. Me ndarjen nga italiani, këngëtarja nga Shkodra mësohet se ka shkuar në Paris, aty ku thuhet se po kërkon një sukses më të madh Europian.