Erion Veliaj përballet me drejtësinë, GJKKO cakton datën e seancës paraprake

GJKKO ka caktuar datën për seancën paraprake në procesin gjyqësor ndaj kryebashkiakut të Tiranës, Erion Veliaj. Gjyqtarja Etleva Deda ka vendosur që seanca paraprake të zhvillohet më 29 shtator, ora 12:00.

Veliaj do të përballet me pesë akuza penale, të cilat janë pjesë e një dosjeje ku përfshihen edhe të pandehur të tjerë. Kjo fazë e procesit do të jetë vendimtare për të përcaktuar nëse çështja do të kalojë për gjykim të plotë.