Fejohet aktori Jason Statham

Të dielën në mbrëmje, modelja Rosie Huntington-Whiteley shpalli fejesën me aktorin e famshëm Jason Statham, me të cilin ajo është në një marrëdhënie 5-vjeçare. Rosie zbuloi diamantin gjigand që shkëlqente në unazën e saj, gjatë edicionit të 73-të të “Globi-t të Artë” që u mbajt të shtunën në mbrëmje. Eventi i mbajtur në hotelin “Hilton” në Beverly Hills, mblodhi yje nga e gjithë bota ndërmjet të cilëve ishte dhe Rosie përkrah aktorit të famshëm të filmave aksion Jason Statham. Një burim konfirmoi lajmin për mediat amerikane.

Në tapetin e kuq ajo u shfaq me një fustan mbrëmjeje të artë i realizuar nga shtëpia e famshme e modës “Versace”. Krijimi binte në sy për rripat e hollë që zgjateshin deri në dysheme dhe gurët e shndritshëm. Për mbrëmjen e madhe modelja kishte zgjedhur onde në ngjyrë karamel teksa qëndronte përkrah Jason, i cili kishte veshur një kostum tepër elegant.