Fiton maratonën, por harron të regjistrohet

Scott Downard është maratonist 25-vjeçar nga Oklahoma, ndërsa festoi edhe fitoren në maratonën e Cowtownit, të mbajtur në Fort Worth të Texasit. Pasi hyri në finish si fitimtar, përfaqësuesit e organizuesit të kësaj gare e njoftuan se ai ishte skualifikuar. Kur mësoi se çfarë i kishte ndodhur, Scott kapi kokën me duar dhe kuptoi se kishte harruar të regjistrohej për garë. Menjëherë e pranoi se numrin e kishte marrë nga një shok i tij i cili e kishte bërë regjistrimin, por nuk mund të merrte pjesë në vrapim pasi nuk ndjehej mirë. Kështu fitorja i takoi Colin Styles, i cili e përfundoi garën gati katër minuta pas Downardit. Downard si sportist i vërtetë e pranoi situatën dhe paralajmëroi se do të marr pjesë sërish vitin e ardhshëm dhe ta fitojë maratonën.