Flamur Noka publikon pamjet: Shikoni kryeministrin si urdhëron policinë ”merri ata” për protestuesit në Durrës

Një reagim i ashpër ka ardhur nga sekretari i Përgjithshëm i Partisë Demokratike, Flamur Noka, lidhur me një situatë të ndodhur gjatë një proteste në qytetin e Durrës.

Noka akuzon kryeministrin Edi Rama se ka urdhëruar forcat e policisë me fjalët “Merri ata” ndaj protestuesve, duke e cilësuar këtë si një sjellje autoritare. Sipas tij, kreu i qeverisë po vepron “sikur është pronari i vendit”.

“Shikoni kryeministrin si urdhëron policinë ‘Merri ata’ për protestuesit në Durrës. Pandeh se është pronari i vendit. Edi Rama pas Belës e ke ti. Je në radhë,” shprehet Noka në reagimin e tij.