Sekretari i Përgjithshëm i PD-së, Flamur Noka në fjalën e tij në Foltoren tek Kryeministri, bëri thirrje që shqiptarët të dalin masivisht në protestë më 17 prill. Ai akuzoi kryeministri Rama për korrupsion, ndërsa theksoi se do të ketë fatin e diktatorit Enver Hoxha.
”Do ketë fatin 5 herë më të keq se të Lali vjedhësit. Jemi në rrugën e mbarë të çmontimit të narkosit. E premtja e 17 prillit është dita jonë ku do të japim një goditje të radhës të këtij narkoregjimi. Fundi yt do jetë më i tmerrshëm se i diktatori Hoxha, ai e vuajti për vdekuri, t’i do vuash për së gjalli. Ju ftoj të gjithëve më 17 prill në orën 19:00 të bëhemi bashkë për rrëzuar regjimin dhe t’i japim goditjen fatale.
Në fushatë i premtoi shqiptarëve Europën dhe kur Europa i bëri bllokadë ai nuk do t’ja dijë. Kemi kërkuar Komisione hetimore, interpelancë me kryeministrin asnjëherë nuk vjen. Kërkojmë fjalën dhe na ndërpritet. Parlamenti qelbet drogë dhe korrupsion. Hajdut si ky nuk ka të dytë”, tha ai.
