FOTO/ Dështon protesta kundër rritjes së çmimit të naftës

Sot në orën 17:00, shoqëria civile kishte bërë thirrje për të protestuar për rritjen e çmimit të naftës në Shqipëri. Protesta ishte paralajmëruar që të zhvillohej para godinës së Kryeministrisë, ku ndodhen edhe disa aktivistë të Lëvizjes Shqipëria Bëhet, të cilët po qëndrojnë aty në shenjë proteste prej më shumë se 105 ditësh. Protesta e thirrur nga shoqëria civile kundër rritjes së çmimit të naftës në vend ka dështuar. Në shesh janë të pranishëm rreth 10 persona. Kjo tregon një neglizhencë nga ana e qytetarëve ndaj një situate që prek xhepat e të gjithëve.