FOTO/ Gazment Bardhi shkon në Kongresin Amerikan, takime me republikanë dhe demokratë

Kryetari i grupit parlamentar i PD-së, Gazment Bardhi po zhvillon një vizitë në Shtetet e Bashkuara të Amerikës, ku është ndalur për takime në institucionin më të lartë ligjvënës, Kongresin Amerikan.

Ai ka ndarë detaje nga agjenda e tij në Uashington. Ai theksoi se gjatë kësaj vizite ka pasur mundësinë të diskutojë me përfaqësues të rëndësishëm të politikës amerikane, duke përfshirë ligjvënës nga të dyja kampet, republikanë dhe demokratë. Krahas takimeve, Bardhi ka përcjellë edhe një mesazh mbi rëndësinë e marrëdhënieve strategjike mes Shqipërisë dhe SHBA-së.

“Është gjithmonë kënaqësi të jesh në Kongresin Amerikan. SHBA mbetet lider botëror në garantimin e paqes, sigurisë dhe demokracisë në botë. Shqipëria është krenare që ka një aleat të çmuar si SHBA”,-shkruan kreu i grupit të PD.