Fullani kërkon të rikthehet në krye të Bankës së Shqipërisë
Ish-Guvernatori i Bankës së Shqipërisë, Ardian Fullani i kërkon gjykatës të kthehet në detyrë. Në seancën e sotme në Gjykatën Administrative avokatja e tij lexoi konkluzionet përfundimtare.
Kërkesat janë:
-Riintegrim dhe përfitim të pagës bruto deri në fund të mandatit të tij si guvernator dhe si anëtar i Këshillit Mbikqyrës.
-Kthim në detyrë dhe 15 milionë lekë kompensim për dëmin moral.
Kërkesa për kthimin në detyrë është një kërkesë e re që nuk ishte bërë deri tani dhe u lexua nga avokatja mbrojtëse e ish-guvernatorit Erinda Ballanca.
Në prill, Gjykata Administrative nisi shqyrtimin e kerkesës së ish- guvernatorin e Bankës së Shqipërisë, Ardian Fullani, kundër Bankës së Shqipërisë dhe Kuvendit.
Në tetor 2015, gjykata e Tiranës e shpallit të pafajshëm Ardian Fullanin për akuzën e shpërdorimit të detyrës për vjedhjen e 713 milionë lekëve, që u quajt skandali i vjedhjes së Thesarit.