Gjarpëri gëlltit kangurin si të ishte një kafshatë

Disa golfistë në Australi janë bërë dëshmitarë të një skene të tmerrshme, ku një piton mbi 4 metër i gjatë ka gëlltitur një kangur si të ishte një kafshatë.

Gjarpëri e ka kapur kangurin gjatë kohës që qëndronte midis një bari të gjatë në fushë, dhe e ka mbytur si fillim e më pas e ka gëlltitur dalëngadalë, pa u shqetësuar nga prania e njerëzve aty pranë.

“E gjithë skena zgjati për gati 5 minuta, dhe më pas pitoni u largua disa metra më tej”,- tha njëri prej praktikantëve të golfit që pa atë që ndodhi.

Pitoni në Australi nuk është problematik me sulme ndaj njerëzve, prandaj dhe në këtë rast të gjithë ata që u ndodhën pranë skenës nuk u larguan të frikësuar.