Gomari bie në pusetë, e nxjerrin zjarrfikësit

 Një gomar ka pasur fatin e keq që të bjerë në një pusetë në qytetin Pratteln të Basellandit dhe të mos mund të dalë pa ndihmën nga jashtë. Kjo ka ndodhur në mëngjesin e të shtunës ndërsa mediet zvicerane njoftojnë sot, duke u thirrur në njoftimin e bërë të hënën nga Policia e Kantonit.Aq keq kishte rënë gomari sa që, siç e tregon edhe fotografia, atij i dukeshin vetëm koka dhe këmbët e para. Një person e kishte parë gomarin në këtë gjendje dhe kishte alarmuar policinë. Ndërkaq, kanë qenë zjarrfikësit ata që kane mundur ta nxjerrin gomarin nga kjo gjendje.