Gramos Sako fiton zgjedhjet në Tepelenë: “Do të jem në shërbim të qytetarëve”

Kandidati i Partisë Socialiste për Bashkinë e Tepelenës, Gramos Sako, ka fituar zgjedhjet e pjesshme të 9 nëntorit, duke siguruar një mandat të ri si kryetar bashkie.

Në një prononcim për mediet, Sako shprehu mirënjohjen për qytetarët dhe vlerësoi procesin zgjedhor:

“Pas një fushate të shkurtër, por model, dhe një votimi në kushte atmosferike të vështira, qytetarët dolën dhe votuan, duke shprehur vullnetin e tyre. Tani detyrimi im kryesor është t’u shërbej për punët e nisura dhe projektet që kemi.”

Ai falënderoi gjithashtu Partinë Socialiste për mbështetjen e vazhdueshme, duke e cilësuar fitoren si të parashikuar që në nisje të garës.

Gramos Sako fitoi me 3261 vota, kundrejt 928 votave të kandidatit të propozuar nga zgjedhësit, Gabriel Guma.