Gramos Sako, kandidat-KOMANDANT për Tepelenën

Tepelena shkon në zgjedhje vendore me 9 nëntor, pas kandidimit dhe fitores si deputet të Tërmet Peçit. PD-ja ka shpallur si kandidat për këtë bashki një djalë të ri 26 vjeçar, Gabriel Guma. Një i ri, pa eksperiencë, përveç pasionit djaloshar për karrierë.

Por Bashkia, sidomos e Tepelenës, kërkon burra me karakter, të provuar në betejat e jetës, siç mbetet krejt Tepelena, një zonë me tradita dhe që ka dhënë aq shumë për historinë e vendit.

Investimet e kryera nga qeveria qendrore në infrastrukturën kombëtare, por edhe zonale, po e kthejnë Tepelenën në një bashki turistike, ku turizmi malor është më i kërkuari.

Ndaj PS-ja ka gjetur një kandidat për bashkinë e Tepelenës, njeri korrekt, i drejtë dhe që përbashkon tepelenasit.

Ai është Gramos Sako, me detyra të rëndësishme në shtet, kur për shumë vite ishte edhe komandant i Gardës së Republikës.

Fushata e tij është gjithëpërfshirëse, ku duhet ta votojnë të majtë e të djathtë, e kjo bën që kjo zonë trimërie të kthehet edhe me tepër në një zonë ku turistët dhe njerëzit te turren drejt Tepelenës.

Tepelena njihet tashmë për shumë vende të bukura, piktoreske, por disa mbeten më të kërkuarat. Gramos Sako ka plane për të thithur sa me shumë fonde nga qeveria qendrore, nga BERZH, Banka Botërore, etj për investime në bashki.

Në foto: Kandidati i PS për Bashkinë Tepelenë Gramos Sako

Ja një listë e gjerave më të veçanta në bashkinë eTepelenës:

KALAJA E TEPELENES

Kalaja e Ali Pashë Tepelenës është renditur si monument kulture i kategorisë së parë në vitin 1963 dhe ndodhet në veri të qytetit të Tepelenës, Bashkia Tepelenë. Pozicioni gjeografik u përdor për të mbrojtur kështjellën. Sipas burimeve historike, ndërtimi i kalasë është mbikëqyrur nga vetë Ali Pasha. Kalaja ekzistuese është rindërtuar në vitin 1819 me një sipërfaqe prej 5.5 ha, me tre hyrje dhe tre kulla. Deri në vitin 1820 është përdorur si rezidenca e dytë e Ali Pashës. Muret e kalasë janë ndërtuar në bazë të formës natyrore të terrenit dhe nuk kanë formë të rregullt gjeometrike. Përveç 3 kullave poligonale që janë ngritur në pikat kyçe të mureve për kontroll më të mirë, të tjerat përdoren thjesht si kënde daljeje. Kalaja ka tre porta, njëra prej të cilave ka një mbishkrim: Porta e Vezirit.

BUST I ALI PASHE TEPELENES

Nuk mund të shkosh në Tepelenë pa pasur një imazh të duhur të njeriut që i dha emrin këtij qyteti. Ju duhet të vizitoni bustin e Ali Pashë Tepelenës. Monumenti madhështor është prej bronzi, peshon 4 tonë, gjerësi 3.1 metra, lartësi 2 metra. Ndodhet në qytetin e Tepelenës, në sheshin në hyrje të saj, kur vini nga Ura e Leklit dhe fshati Luzat.

URA E DRAGOTIT

Monument kulture i Kategorisë II, në fshatin Dragot, Tepelen. Ura e Metalit ndodhet mbi lumin Vjosë në kthesën e fshatit Dragot. Kjo urë është projektuar dhe ndërtuar nga studentë italianë të inxhinierisë në vitin 1936. Në të dy anët e lumit, ura mbështetet në një platformë betoni. Është një urë e varur me kapa metalike të harkuar. Ka përmasa: 114 m i gjatë dhe 8 m i gjerë. Rruga është e gjerë 5 m. Ndërsa parapetet janë me gjerësi 1.50 m dhe janë me konstruksion metalik.
Ura e Dragotit është një nga urat më të bukura në Shqipëri. Është ndërtuar në vitin 1936, mbi lumin Vjosa, lumi më i egër në Evropë. Është një teknologji e rrallë inxhinierike që i ka rezistuar kohës për më shumë se 80 vjet.

KANIONET E NIVICËS

Kanionet e Nivicës janë një mrekulli natyrore, e zbuluar dhe eksploruar vetëm vitet e fundit nga shumë vizitorë. Ato ndodhen në afërsi të fshatit Nivicë. Kanionet kanë një gjatësi deri në disa (km), një gjerësi mesatare prej rreth 15 m dhe një thellësi deri në disa dhjetëra (m). Ato u formuan nga erozioni i përroit të Nivices, pjesë e përroit të Bencas, në shkëmbinj karbonatikë. Përroi i Nivicës, poshtë fshatit me të njëjtin emër, ka formuar një grykë me një shtrat shumë të ngushtë, me një gjatësi rreth 3 km deri në pellgun e Merjes, ku bashkohet me Gurrën e Progonatit. Fundi i tij është shumë i rregullt, me këputje ose pragje e shkurme, të shoqëruara me forma negative, që janë gropa dhe brazda të thelluara në fundin shkëmbor të kanionit, me pamje vezake në trajtë kazanësh, me ujë të pastër e të kulluar. Uji shkëputet dhe bie nga lartësitë e mëdha (30-40 m) dhe formon ujëvara, si ajo e Guvës dhe dy të tjera poshtë saj. Kanioni, edhe pse thellohet, paraqitet me shumë kontraste natyrore, shkëmbinj, shtrat me shkallë dhe shpella të shumta në faqen shkëmbore. Ato mund të vizitohen duke marrë rrugën Tepelenë-Progonat-Nivice.

KULLAT LERA NE LEKDUSH

Këto dy kulla shkëmbore janë gdhendur nga erozioni. Janë dy kulla me majë të rrumbullakëta, të cilat duken teksa ngjitesh në Qafë Erë, por i sheh edhe nga larg nga fshatrat Rexhin dhe Nivicë. Ata quhen edhe Kulla Kristof dhe Kulla Geri, duke marrë emrat e vizitorëve të parë të huaj në këtë zonë. Kulla e parë është 40 m e lartë dhe tjetra 15 m. Ndodhen në një vend, 700 m mbi nivelin e detit. Janë formacione të rralla, mbetje të tarracës lumore të Gurrës, çka dëshmon se edhe ndërtimi i tyre është i përbërë nga gurë gëlqerorë dhe guralecë stralli, të çimentuar me material rërë karbonike.

 BURIMET E UJIT TË FTOHTË

Ndodhet në të djathtë të autostradës nacionale Tepelenë-Gjirokastër, menjëherë pas degëzimit të autostradës për në Përmet. Burimi ndodhet në pjesën e sipërme të shpatit të majtë të luginës së Drinosit, në kontaktin e shkëmbinjve gëlqerorë me ata gëlqerorë. Ujërat reshje-atmosferike që bien në pjesën lindore të vargmalit të Kurveleshit (Buza e Bredhit), përmes shpellave karstike, depërtojnë thellë në shkëmbinjtë gëlqerorë dhe ushqejnë këtë burim. Shpati ku vini! burimi është i mbuluar me bimësi natyrore dushku dhe shkurre. Në afërsi të luginës, pemët e rrepës janë mjaft të mëdha. Zhurmat e ujit, gjelbërimi, cicërima e zogjve etj., e kanë kthyer që nga kohra të lashta këtë vend në një vend pushimi për udhëtarët. Vizitohet lehtësisht pasi ndodhet pranë autostradës Tepelenë-Gjirokastër. Ka vlera shkencore (hidrologjike, gjeomorfologjike), estetike dhe turistike.

Hoteli i ri “Uji i ftohte Tepelene”

 UJERVARA PROGONATI

Monument natyror i kategorisë së tretë në zonën e Kurvelesit. Në fakt bëhet fjalë për një sërë kanionesh të Gurrës, Lekdushit, Progonatit. Ujëvara më e bukur është ajo e Peshturës, e cila sot ka filluar të eksplorohet nga shumë adhurues të natyrës. Quhet edhe buza e ujit, për shkak të burimit të madh natyror të ujit Kristal. Në këtë vend, kanioni ngrihet në një lartësi prej 1000 metrash mbi nivelin e detit. Kjo ujëvarë është 400 metra e lartë dhe uji që bie krijon ngjyra ylberi. Këto kanione mund t’i vizitoni në rrugën nga Tepelena në Progonat. Rruga nuk është shumë e mirë, por gjithsesi e kalueshme. Për ata që preferojnë ecjen, ky udhëtim konsiderohet jo i vështirë, por nuk rekomandohet në ditët me shi. Pamjet e ujëvarës do t’ju magjepsin.

Muzika popullore brilante

Kjo pjesë e Shqipërisë shquhet për muzikën popullore, stilin unik të të kënduarit dhe instrumentet e përdorura.

AGROTURIZMI TE LORD BYRON

Bujtina Lord Byron është një nga vendet më të mira për të shijuar pjatat e zonës, për të shijuar perimet më të freskëta të rritura përreth bujtinës, për t’u çlodhur në fshat dhe për të marrë energji të reja. Këtu mund të kaloni një fundjavë të tërë pasi ka gjithmonë diçka të re për të bërë.