Gruaja e kreut të ISIS: Ai jepte vetëm urdhra, s’flitej me të

Gruaja e kreut të ISIS, Abu Bakr al-Baghdadi, terroristit më të kërkuar sot në botë, ka folur për martesën me këtë të fundit. Ajo ka thënë se ai ishte një njeri normal dhe familjar.

Por Saja al-Dulaimi thotë gjithashtu për gazetën zviceriane “Expressen”, se ai ishte edhe një njeri misterioz e që nuk pranonte diskutime. Sipas saj, Abu Bakr al-Baghdadi jepte vetëm urdhra.

Ajo e përshkroi martesën e tyre si të cekët dhe të palumtur.

“Unë nuk e dua atë”, tha Saja al-Dulaimi.

“Me të nuk mund të kishte një diskutim normal. Sapo t’i nisje një bisedë, ai të jeptë urdhër për të bërë diçka. Sesi ai arriti të bëhej kreu i organizatës terroriste më të madhe në botë, kjo është një mister. Ai ishte një familjar normal”, vijon ajo.