Hungaria fton biznesin shqiptar të investojë: Ofrojmë mundësira

Ambasadori i Hungarisë, Antal Heizer, evidentoi mungesën e bashkëpumit ekonomik mes dy vendeve gjatë një takimi me biznesin shkodran, ku ftoi sipërmarrësit të bëhen pjesë e shkëmbimeve tregtare të përbashkëta.

"Është pak problem me të vërtetë, unë kam parë zhvillim të Shqipërisë, por bashkëpunimi ekonomik është shumë i ulët. Ftoj biznesmenët shqiptarë të investojnë në Hungari ,si një vend që ofron shumë mundësira. Siç edhe dëshiroj t'i sjell investitorët hungarezë në Shqipëri", tha ai.

Më pas, ambasadori u bë pjesë e ceremonisë përkujtimore të 59-vjetorit të revolucionit antikomunist hungarez të vitit 1956, ku në ceremoninë e organizuar me këtë rast, morën pjesë drejtues vendorë dhe ish-të përndjekur politikë.

Çdo vit, Shkodra mbetet epiqendër e përkujtimeve të kësaj date nga Ambasada e Hungarisë në Shqipëri.