IKMT dhe ARRSH largojnë ndërtimet pa leje në aksin Elbasan–Rrogozhinë

Inspektorati Kombëtar i Mbrojtjes së Territorit (IKMT),  në bashkëpunim me Autoritetin Rrugor Shqiptar (ARRSH),  po vijon me intensitet aksionin për prishjen e ndërtimeve të paligjshme përgjatë akseve rrugore kombëtare,  duke garantuar sigurinë dhe funksionalitetin e infrastrukturës.

Aktualisht, ndërhyrja po zhvillohet në aksin Elbasan–Rrogozhinë,  ku grupet operacionale të IKMT-së dhe ARRSH-së po largojnë objektet që cenojnë distancat e sigurisë dhe pengojnë qarkullimin normal të automjeteve.

IKMT ka publikuar pamje nga terreni,  duke theksuar se këto ndërtime përbëjnë jo vetëm shkelje ligjore,  por edhe rrezik për jetën e përdoruesve të rrugës,  si dhe pengesë për investimet publike në transport.

Aksioni synon, rikthimin e hapësirave publike të zëna në mënyrë të paligjshme,  garantimin e standardeve të sigurisë rrugore,  përmirësimin e kushteve për qarkullim,  mirëmbajtjen e rrugëve kombëtare në përputhje me normat europiane

IKMT bën thirrje për bashkëpunim nga qytetarët dhe operatorët privatë,  duke paralajmëruar se veprimet e paligjshme nuk do të tolerohen. Aksione të ngjashme priten edhe në akse të tjera në vijim.