Ilir Meta kërkon lirinë në GJKKO

Ish-presidenti Ilir Meta, i cili mbahet në qeli prej tetorit 2024, kërkon zëvendësim të masës së sigurisë në Gjykatën e Posaçme Antikorrupsion. Kërkesa është regjistruar, teksa pritet të caktohet data për zhvillimin e seancës.

Kjo kërkesë e Metës është rrëzuar më parë nga tre shkallët e gjyqësorit, të cilët kanë lënë në fuqi masën e sigurisë “arrest me burg”.

Kreu i Partisë së Lirisë i është drejtuar gjithashtu dhe Gjykatës Kushtetuese duke pretenduar se vendimet e tre shkallëve të gjyqësorit që kanë lënë në fuqi masën e arrestit janë antikushtetuese dhe cenojnë Konventën Europiane për të Drejtat e Njeriut. Meta këmbëngul se po mbahet në qeli pa akuzë.

Ilir Meta akuzohet nga SPAK për korrupsion, pastrim parash dhe fshehje të pasurisë, në bashkëpunim, së bashku me ish-bashkëshorten e tij Monika Kryemadhi, dhe 3 të tjerë.