Integrimi në BE, Von der Leyen vlerëson Shqipërinë

Presidentja e Komisionit Evropian, Ursula von der Leyen, ka theksuar se procesi i zgjerimit të BE-së po ecën përpara, me fokus të veçantë te Ballkani Perëndimor dhe vendet e Evropës Lindore.

Në një deklaratë të fundit, ajo vlerësoi përparimin e Shqipërisë dhe Malit të Zi, duke theksuar se negociatat me Malin e Zi mund të përfundojnë brenda këtij viti, nëse ritmi i reformave ruhet. Sipas saj, procesi mbetet “i bazuar në meritë”, duke nënkuptuar se çdo vend vlerësohet sipas rezultateve konkrete në reforma dhe standarde evropiane.

Von der Leyen gjithashtu u ndal te zhvillimet më të fundit për Ukraina dhe Moldavia, të cilat kanë hapur kapitujt e parë të negociatave të pranimit, duke e quajtur këtë një hap të rëndësishëm në procesin e integrimit evropian.

Mesazhi është se zgjerimi i BE po hyn në një fazë më dinamike, ku vendet që bëjnë reforma të qëndrueshme mund të ecin më shpejt drejt anëtarësimit.