Ivanka Trump lë vilën qeveritare në Dhërmi, zbulohet itinerari i saj

Ivanka Trump, vajza e presidentit të Amerikës ndodhet në Shqipëri. Ajo ka lënë vilën qeveritare në Dhërmi rreth orës 09:30 të dites të sotme nën shoqërimin e forcave të policisë.

Më pas është nisur nga zona e Ujit të Ftohtë në drejtim të qytetit të Vlorës dhe me pas ka vijuar drejt zonës së Zvërnecit, ku Ivanka Trump ka bërë një ndalesë të shkurtër pranë urës së Zvërnecit.

Aty ka qëndruar për rreth 15 minuta, duke vëzhguar edhe flamingot në lagunë. Pas kësaj ndalese, ajo dhe delegacioni që e shoqëronte, së bashku me eskortën e sigurisë, janë drejtuar drejt Dhërmiut.

Në Dhërmi pritet një takim mes Ivanka Trump dhe Kryeministrit Edi Rama, ku gjithashtu është planifikuar edhe një drekë gjatë ditës së sotme.