Jepen me koncesion edhe lejet e qarkullimit

Qeveria ka në plan të japë me koncesion edhe lejet e qarkullimit. Kështu, ajo dje ka vendosur të kalojë tek privati një ndër procedurat kryesore në rastin e blerjes apo importimit të makinave.

Me vendimin e djeshëm, i është dhënë e drejta Ministrisë së Transportit që të përzgjedhë një kompani për të kryer Shërbimin e Kontrollit dhe Verifikimit të mjeteve rrugore në Shqipëri.

Bëhet fjalë për kontrollin teknik që duhet të bëjë çdo makinë para se të marrë lejen e qarkullimit. Kur ky kontroll deri më tani bëhej nga Drejtoritë Rajonale të Shërbimit të Transportit Rrugor.