Justin Bieber tregon të dashurën! (FOTO)

Ditën e sotme artisti kanadez shpërndau në Instagram një foto, ndërsa puthej plot pasion me të dashurën e tij, modelen simpatike Hailey Baldwin.
Ylli 21-vjeçar e priti vitin 2016-të pranë bukuroshes 19-vjeçare në Karaibe. Dy të rinjtë janë puthur pa u përpjekur të fshihen nga sytë e njerëzve dhe s'kanë kursyer as postimet provokuese në rrjete sociale. Bieber dhe Baldwin janë përfolur edhe më parë për një lidhje, fjalë që janë mohuar nga ana e të dyve. "Jemi vetëm miq. E kam njohur për një kohë të gjatë Justin, që kur isha 13 vjeç," tha modelja rreth një vit më parë. "Po përpiqem të jem një shoqe e mirë dhe të jem pranë tij për ta mbështetur, por të gjithë hamendësojnë për gjëra që nuk ekzistojnë. Në këtë botë jetojmë," është shprehur 19-vjeçarja. Por ja që 'ku ka tym ka zjarr' dhe mes të dyve nuk paska patur vetëm miqësi.