“Kallashi” bie në pranga, kapet e armatosur “rëndë”

Mediat kosovare bëjnë të ditur se valltarja dhe këngëtarja Donjeta Kosumi, e njohur si “Kallashi”, është arrestuar nga policia e Prizrenit.

Ndalimi i saj është bërë gjatë bastisjes së lokalit të natës “Kobra City”.

Gjatë bastisjes janë arrestuar edhe pesë persona të tjerë si dhe janë sekuestruar tri pistoleta, një armë gjysmë automatike, fishekë të kalibrave të ndryshëm si dhe një sasi droge në forma të pililave.

Zëdhënës i policisë së Prizrenit ka thënë se bastisja u bë pas sigurimit të incizimit kur anëtarë të “Kobra City-t”, pak ditë më parë kishin rrahur katër viktima në një pompë të karburantit.

Përveç policisë në vendngjarje ishin edhe një ekip i shpërndarjes së energjisë elektrike, të cilët konstatuan se lokali kishte lidhje të jashtëligjshme të energjisë.