Kapet pëllumbi që transportonte drogë

Një pëllumb në Kuwai është kapur, duke transportuar drogë me një cantë të vogël në shpinë. Sipas Al Arabiya, autoritetet e kapën pëllumbin, ndërsa po e sillte lëndën narkotike nga Iraku. Në cantën e ngjitur në shpinë, ata zbuluan 178 pilula narkotike. Ata e kanë kapur këtë pëllumb ndërsa po fluturonte mbi disa ndërtesa, ndërsa fotografitë u bënë virale në rrjete sociale. Kjo nuk është hera e parë që trafikantët përdorin shpendët që të shpërndajnë drogë. Në 2016 u kap një pëllumb që po përpiqej të transportonte lëndë narkotike në një burg të Kosta-Rika. Mendohet se këta trajnohen përpara që të bëjnë veprime të tilla. Ideja nisi që nga dërgimi i letrave që bëhej dikur nëpërmjet shpendëve, për të përcuar një mesazh të caktuar.