Këshilli i AKEP, Xhixho: Njehsimi i tarifave do të zbatohet

Njëhsimi i tarifave do të zbatohet, por aktualisht po analizohen ankesat e 4 kompanive celulare.Kryetari i AKEP, Piro Xhixho, gjatë raportimit në Komisionin e Veprimtarive Prodhuese ka sqaruar se synimi i tyre është mbrojtja e konsumatorëve.Ndërkohë së shpejti synohet edhe futja e 4 G-së.

Tiranë- Vendimi për njëhsimin e tarifave midis komanive të telefonisë celulare do të zbatohet.

Kreu i AKEP, Piro Xhixho, ka shpjeguar gjatë raportimit në Komisionin e Veprimtarive Prodhuese se tashmë po shqyrtohen ankesat e katër kompanive, por kjo nuk do të thotë se nuk do të hyjë në fuqi.

“Ajo asimetri, ose ajo paketë që sot është në fuqi, por edhe operatorët e dinë që AKEP nuk lëviz ng pozicioni i tij, padyshim do ketë një skemë e cila harmonizon ankimimet dhe pretendimet, por edhe reagimin e konsumatorit, që është skema graduale. Domethënë do hyjë në fuqi, ka hyrë në fuqi”.

Kreu i AKEP bëri me dije se në 2 mars do të hapet tenderi për 4 G.

“ Kemi hyrë. Kemi kryesisht 4G që mendojmë se do të jetë një hapi rëndësishëmnë sektorë për ofrimin e shërbimeve me shpejtësi shumë të lartë”.

Ndërsa përsa i përket eleminimit të tarifave Roaming, Xhixho shpjegoi se kjo varet nga vendet e Bashkimit Europian.

“Nuk është në dorë tonë, është kërkuar nga grupi i Ballkanit Perëndimor ku dhe ne në parim kemi rënë dakord edhe pse nuk është firmosur dokument i përbashkët. Dhe BE ka thënë që nuk jemi palë në këto diskutime që bëjmë ne”.

Mbledhja u shoqërua edhe me disa batuta në lidhje me pagesat e faturave të energjisë. “Ka gjeneruar nga deputeti i Vlorës, faturat e energjisë i ke paguar?”pyeti kreu i Komisionit Eduard Shalsi.

Komisioni i Veprimtarive dëgjoi katër kandidaturat për anëtarë të Këshillit Drejtues të Autoritetit të Komunikimeve Elektronike dhe Postare të cilëve u ka mbaruar mandati në nëntor të 2014.

Kandidatët që presin votat nga parlamenti për emërim janë Piro Xhixho i cili aktualisht është kryetar, Anila Denaj,Ketrin Topçiu dhe Klarina Abazaj.